ନୂଆଦିଲ୍ଲୀ: ମୁମ୍ବାଇର ଲୋକମାନ୍ୟ ତିଳକ ଟର୍ମିନସ୍ରୁ ବିହାର ଯାଉଥିବା କର୍ମଭୂମି ଏକ୍ସପ୍ରେସ୍ରେ ବଡ଼ ଧରଣର ଦୁର୍ଘଟଣା। ନାସିକ ରୋଡ୍ ରେଲଓ୍ବେ ଷ୍ଟେସନ୍ର କିଛି ଦୂରରେ ତିନି ଯାତ୍ରୀ ଟ୍ରେନ୍ରୁ ଖସି ପଡିଥିଲେ। ଫଳରେ ୨ ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଯାଇଛି। ସେଭଳି ଏବେ ବି ଜଣେ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି। ସୂଚନା ମିଳିବା ମାତ୍ରେ ନାସିକ ରୋଡ୍ ପୁଲିସ ଘଟଣାସ୍ଥଳରେ ପହଁଞ୍ଚିଥିଲା। ଏହାପରେ ମୃତକଙ୍କ ଶବକୁ ଉଦ୍ଧାର କରିଥିଲା। ପୋଲିସର କହିବା ଅନୁସାରା, ଏହି ଦୁର୍ଘଟଣା ଭୁସାଭଲ ଯାଉଥିବା ରେଲଓ୍ବେ ଟ୍ରାକ୍ ଭିତରେ ହୋଇଛି। ଦୁଇ ମୃତ ଯୁବକଙ୍କ ବୟସ ୩୦ ରୁ ୩୫ ବର୍ଷ ଭିତରେ ରହିଛି। ସେଭଳି ତୃତୀୟ ଯାତ୍ରୀଙ୍କୁ ଗୁରୁତର ଅବସ୍ଥାରେ ଜିଲ୍ଲା ସରକାରୀ ହସ୍ପିଟାଲରେ ଭର୍ତ୍ତି କରାଯାଇଛି। ଉଲ୍ଲେଖନୀୟ ଯେ, ଦୀପାବଳି ଅବସରରେ ଉତ୍ତର ଭାରତକୁ ଯାଉଥିବା ଟ୍ରେନଗୁଡ଼ିକରେ ଅତ୍ୟଧିକ ଭିଡ଼ ଥାଏ। ଅଧିକାରୀଙ୍କ ଅନୁଯାୟୀ, ଯାତ୍ରୀମାନେ ପର୍ବ ପାଳନ କରିବା ପାଇଁ କିମ୍ବା ବିହାର ନିର୍ବାଚନରେ ଭୋଟ ଦେବା ପାଇଁ ସେମାନଙ୍କ ଗାଁକୁ ଯାଉଥିଲେ ସେମାନେ ତଦନ୍ତ କରୁଛନ୍ତି। ସୂଚନା ଅନୁଯାୟୀ, ଯାତ୍ରୀମାନେ ଏକ ଜେନେରାଲ ବଗିରେ ଯାତ୍ରା କରୁଥିଲେ। ସେମାନଙ୍କ ଲଗେଜ ଉଦ୍ଧାର କରାଯାଇଛି, ଏବଂ ସେମାନଙ୍କୁ ଚିହ୍ନଟ କରିବା ପାଇଁ ଚେଷ୍ଟା କରାଯାଉଛି।
About the Author
