ବାଲେଶ୍ୱର, : ବାଲେଶ୍ଵର ଜିଲ୍ଲା ଶିଳ୍ପାଞ୍ଚଳ ଥାନା ୧୬ନଂ ଜାତୀୟ ରାଜପଥ ଜାରକାପଦା ଠାରେ ରବିବାର ବିଳମ୍ଵିତ ରାତିରେ ମାର୍ବଲ ମିସ୍ତ୍ରୀଙ୍କୁ ହତ୍ୟା। ମୃତକ ଜଣଙ୍କ ଶିଳ୍ପାଞ୍ଚଳ ଥାନା ନାଇକା ଗ୍ରାମର ବାପୁନ ଖିଲାର (୨୫ ବର୍ଷ) ବୋଲି ଜଣାପଡ଼ିଛି। ୫ ରୁ ୬ ଜଣ ଦୁର୍ବୃତ୍ତ ସଙ୍ଘବଦ୍ଧ ଭାବେ ଆକ୍ରମଣ କରି ଫେରାର୍ ହୋଇ ଯାଇଛନ୍ତି। ଶିଳ୍ପାଞ୍ଚଳ ଥାନା ପୁଲିସ ହତ୍ୟା ମାମଲା ରୁଜୁ କରି ତଦନ୍ତ ଚଳାଇଛି।ସୂଚନାନୁଯାୟୀ, ରବିବାର ବିଳମ୍ଵିତ ରାତିରେ ନାଇକା ଗ୍ରାମର ବାପୁନ ଖିଲାରଙ୍କୁ ୫ ରୁ ୬ ଜଣ ଦୁର୍ବୃତ୍ତ ସଙ୍ଘବଦ୍ଧ ଭାବେ ଆକ୍ରମଣ କରି ଫେରାର୍ ହୋଇଯାଇଥିଲେ। ସ୍ଥାନୀୟ ଲୋକେ ବାପୁନଙ୍କୁ ଉଦ୍ଧାର କରି ରେମୁଣା ଏଫଏମ ମେଡିକାଲ କଲେଜ ଓ ହସ୍ପିଟାଲକୁ ନେଇଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏ ସମ୍ପର୍କରେ ଖବର ପାଇବା ପରେ ବାପୁନଙ୍କ ପରିବାର ଶିଳ୍ପାଞ୍ଚଳ ଥାନାରେ ଅଭିଯୋଗ କରିଥିଲେ। ପୁଲିସ ଏକ ହତ୍ୟା ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ସୋମବାର ସକାଳ ୧୧ଟା ବେଳେ ଜିଲ୍ଲା ମୁଖ୍ୟ ଚିକିତ୍ସାଳୟରେ ବାପୁନଙ୍କ ଶବ ବ୍ୟବଚ୍ଛେଦ କରାଯାଇଛି।
About the Author
