ପଶ୍ଚିମବଙ୍ଗରେ ‘ମହାରାଷ୍ଟ୍ର ମଡେଲ’ । ବିଧାନସଭା ନିର୍ବାଚନ ପରଠାରୁ ପଶ୍ଚିମବଙ୍ଗର ରାଜନୈତିକ ପାଣିପାଗ ନିରନ୍ତର ପରିବର୍ତ୍ତନ ହେଉଛି। ମମତା ବାନାର୍ଜୀ ଏବଂ ତୃଣମୂଳ କଂଗ୍ରେସ ନିରନ୍ତର ବିପର୍ଯ୍ୟୟର ସମ୍ମୁଖୀନ ହେଉଛନ୍ତି । ଏବେ, ମମତା ବାନାର୍ଜୀ ଏବଂ ଅଭିଷେକ ବାନାର୍ଜୀଙ୍କୁ ବାଦ୍ ଦେଇ ଏକ ନୂତନ ତୃଣମୂଳ କଂଗ୍ରେସ ଦଳ ଗଠନ କରିବା ପାଇଁ ରାଜ୍ୟର ରାଜନୈତିକ ମହଲରେ ଆଲୋଚନା ଜୋର୍ ଧରିଛି। ଟିଏମସିର ଋତୋବ୍ରତା ବାନାର୍ଜୀ ଉଲୁବେରିଆ ପୂର୍ବର ବିଧାୟକ ଏବଂ ଏଣ୍ଟାଲିର ସନ୍ଦିପନ ସାହାଙ୍କୁ ଦସ୍ତଖତ ବିବାଦ ମାମଲାରେ ଦଳରୁ ବହିଷ୍କାର କରାଯାଇଥିଲା ।
ଦଳ ଦୁଇ ବିଧାୟକଙ୍କୁ ବହିଷ୍କାର କରିବା ପରେ, ପଶ୍ଚିବଙ୍ଗରେ ‘ମହାରାଷ୍ଟ୍ର ମଡେଲ’ର ପୁନରାବୃତ୍ତି କରିବା ପାଇଁ ପ୍ରସ୍ତୁତି ଚାଲିଛି କି ବୋଲି କଳ୍ପନାଜଳ୍ପନା ଆରମ୍ଭ ହୋଇଛି। ୨୦୨୨ ରେ ମହାରାଷ୍ଟ୍ରରେ ଶିବସେନା ଭିତରେ ଯେପରି ବିଭାଜନ ହୋଇଥିଲା, ସେହିପରି ତୃଣମୂଳ କଂଗ୍ରେସ ଭିତରେ ବିଭାଜନ ସୃଷ୍ଟି କରିବାର କୌଣସି ଯୋଜନା ଚାଲିଛି କି ବୋଲି ରାଜ୍ୟ ରାଜନୈତିକ କରିଡରରେ ସରଗରମ ଚର୍ଚ୍ଚା ଜାରି ରହିଛି । ପ୍ରାୟ ୫୦ ଜଣ ବିଧାୟକ ତୃଣମୂଳ କଂଗ୍ରେସ ଛାଡିପାରନ୍ତି ବୋଲି କଳ୍ପନାଜଳ୍ପନା ଚାଲିଛି । ଏହା ମଧ୍ୟ ଦାବି କରାଯାଉଛି ଯେ, କିଛି ସାଂସଦ ବିଦ୍ରୋହ କରିବାକୁ ଚିନ୍ତା କରୁଛନ୍ତି ଏବଂ ଏ ବିଷୟରେ ଆଲୋଚନା କରୁଛନ୍ତି । ଦଳର ମୁଖ୍ୟ ମମତା ବାନାର୍ଜୀଙ୍କ ଘରେ ଡକାଯାଇଥିବା ବୈଠକରୁ ବହୁ ସଂଖ୍ୟକ ବିଧାୟକ ଦୂରତା ବଜାୟ ରଖିଥିଲେ, କିଛି ବିଧାୟକ ଖୋଲାଖୋଲି ଭାବରେ ଦଳର ଶୀର୍ଷ ନେତୃତ୍ୱ ବିରୋଧରେ କହୁଛନ୍ତି, ଏହା ବ୍ୟତୀତ ଦଳ ବିରୋଧୀ କାର୍ଯ୍ୟକଳାପରେ ଲିପ୍ତ ଥିବା ଅଭିଯୋଗରେ କିଛି ଲୋକଙ୍କୁ ବାହାରର ରାସ୍ତା ମଧ୍ୟ ଦେଖାଯାଉଛି ।
About the Author
